CHOLA A IT GIRL

Duración: 75 minutos

Género: Teatro

Público: Tódos os públicos

​

CHOLA A IT GIRL é un homenaxe á "Muller Glocal", mulleres que pensan localmente para actuar de maneira global. Mulleres do rural, que forman parte desa estirpe de muller decisiva, que están un paso por diante da sociedade rural na que viven, polo seu inconformismo, talento, forza, rebeldía  e resistencia; pero tamén pola súa procura incansábel de posibilidades para cultivarse e aprender, pola súa teima e constancia por fuxir do que se supón que debería facer unha muller no rural.

CHOLA A IT GIRL nace da investigación polo miúdo da historia do termo "it ", e das diferentes mulleres que ó longo da historia tiveron a connotación de "it girls". Tamén do interese en recuperar, redefinir e actualizar a "it girl", que neste proxecto será unha muller imperfeita, espontánea e auténtica, que ten “iso”, ese plus de personalidade do que fala Kipling e Glyn, liberada de prexuízos e dos canons de beleza, amosando a plenitude que lle proporciona ser unha muller independente que loita pola súa liberdade. Unha muller no rural!

Dende este pulo de amosar a esa outra muller, que existe, pero que non ten visualización, nace  “Chola a it girl”.

​

No espectáculo, axudarase de vídeos exclusivos, proxectados con técnica de videomapping, desafíos en vivo, consellos automobilísticos e dunha gran dose de humor. O aspecto diferenciador deste espectáculo é o seu formato, non é unha obra escénica, non é un programa televisivo, tampouco un monólogo cómico. É un armazón de empoderamento feminino onde o SHOW, o VÍDEO, a ACCIÓN , a MÚSICA e o TEXTO precíntanse cunha enerxía irresistible facendo que os 70 minutos que dure a peza estean cheos de diversión, reflexión e empatía.

​